Your browser version is outdated. We recommend that you update your browser to the latest version.

Deon Groot - Hemelpoorte

RISE IN RED

LOUIS GELDENHUYS - Vlamme

Posted 2/7/2020

“EK MOES MY PA IN 2007 AAN DIE DOOD AFSTAAN - HIERDIE LIED IS VIR MY BAIE PERSOONLIK” – LOUIS GELDENHUYS OOR SY NUUTSTE ENKELSNIT - VLAMME

 

Dit is nie sommer enige kunstenaar wat ’n hartroerende ballade met oortuiging kan weergee nie. Gelukkig het Louis Geldenhuys reeds verskeie kere in die verlede bewys dat hy presies weet hoe om sy strelende stem met luisteraars se harte te laat praat.

 

VLAMME, sy nuutste enkelsnit, gaan oor verlange en die treffende manier waarop dit weergegee word, sal jou met ’n knop in die keel laat wegstap. “Soms mis jy iemand so baie dat jy hom of haar raaksien in alles,” deel hy. “Dié liedjie vertel die verhaal van ’n persoon wat iemand mis en geen antwoorde het oor wat van daardie mens geword het nie.”

 

Volgens Louis, wat sy pa in 2007 aan die dood moes afstaan, is hierdie liedjie – uit die pen van Pierre Rossouw – vir hom baie persoonlik: “In VLAMME hoor die hoofkarakter die bome kraak, die wind waai en die vlamme knetter, maar dit bring geen leidrade of verduidelikings nie. Ek glo dat elkeen van ons al in ’n situasie was waar ons iemand so baie gemis het en daarom sal dié lirieke by almal aanklank vind.”

 

Die sanger, wat op Valentynsdag saam met Nádine en ander kunstenaars op ’n Rugby Theme-bootreis na die Portugese eilande vertrek, verklap dat sy vorige popsnit – Engel – baie goed ontvang is en steeds gereeld op radiostasies landswyd gespeel word. Die musiekvideo, wat deur Fathom Media in Randburg verfilm is, is ook gereeld te sien op televisiekanale soos kykNET NOU, VIA en meer.

 

Kyk die video hier: https://www.youtube.com/watch?v=Agfipyo0OL4

 

Albei liedjies is beskikbaar op sy album, Harte in die Lug, waarvan die titelsnit deur die country-legende Dennis East geskryf is. Dit bestaan uit elf oorspronklike snitte, wat wissel tussen opgewekte dansmusiek en dieper liefdes- en gospelliedjies.

 Met die KKNK en ander feeste om die draai, is Louis drukbesig om voor te berei en beskou hy steeds elke geleentheid wat hy kry om sy musiek met ander mense te deel as ’n groot voorreg.

Verder beplan hy ook aan ’n nuwe album en ’n moontlike toer saam met Country Koors, oorweeg hy dit sterk om sy Drama-studies voort te sit en is hy besig om sy graad in Engelse Onderrig te voltooi.

 

VLAMME is ’n hoendervleismooi meesleurende ballade, wat jou lank sal bybly nadat jy dit vir die eerste keer gehoor het. Dit sal jou wegvoer na die verlede, laat verlang na diegene wat jy verloor het en die mooi herinneringe in jou lewe laat koester... soos net Louis Geldenhuys se musiek kan.

 

MARIUS LUBBE

Morne van der Sandt

Posted 1/15/2020

Morné van der Sandt se liefde vir musiek het al kleintyd begin toe sy pa om die braaivuur kitaar gespeel het. Vandag het hy al talle van sy eie treffers uitgebring en vir homself groot naam gemaak in die musiekbedryf. Sy nuwe album sien ook amper die lig en jy sal dit een van die dae op die rakke, asook ander digitale platforms kan kry.

Waar het jou liefde vir musiek begin? Wat sou jy sê was jou deurbraak?

“Musiek was altyd ’n groot deel van ons huis terwyl ek grootgeword het, my pa speel ongelooflik goed kitaar (vandat hy 17 is en dis nou al ’n goeie 45 jaar later) en dit was maar altyd vir ons ’n gedoente om bietjie te sing en musiek te speel by die braai. Dit het so half die liefde daarvan aan die brand gekry. Ek sou sê my deurbraak was met my heel eerste album, Hier’s ek nou. Die eerste liedjie wat vrygestel was, was Heeltyd Speeltyd, mense het grootliks aanklank by die ‘party vibe’ gekry wat ek doen en alles het daar begin.”

Met watter projekte is jy tans besig?

“Tans is ons in die proses om my nuwe album af te handel. Daar was hier en daar klein werkies en dingetjies wat ek wou beter maak en verander en ek kan uiteindelik sê, ek is klaar.

Read the rest of this entry »

Roux Cloete